संक्षिप्त परिचय:-

चन्दननाथ नगरपालिका जुम्ला जिल्लामा रहेको प्रसिद्ध देवता चन्दननाथ बाबाको मन्दिर रहेको पूण्यभूमिको नामबाट यस नगरपालिकाको नाम रहन गएको हो । यसको पूर्वमा देपालगाउँ, गज्र्याङ्कोट र पट्मारा गा.वि.स., पश्चिममा हाँकु र लाम्रा गा.वि.स., उत्तरमा बुम्रमाडीचौर र शनिगाउँ गा.वि.स. र दक्षिण जाजरकोट जिल्ला पर्दछन् । यो जुम्ला जिल्लाको सदरमुकाम,र कर्णाली अञ्चलको सदरमुकाममा रहेको कर्णाली अञ्चलकै एकमात्र नवघोषित नगरपालिका हो । यस नगरपालिकामा तत्कालीन चन्दननाथ, महत, तलिउम र कार्तिकस्वामी गा.वि.स. समावेश भएका छन् । जहाँ हाल १० (दश) वडा रहेका छन् ।